Grek deputat Törkiyä bayrağın yırttı

Törkiyä tışqı êşlär ministrı Mäwlet Çavuşoğlu Awrupa parlamentında Törkiyä bayrağın yırtqan grek deputatı İoannis Lagosqa rizasızlıq belderde. Bu xaqta ul Twitterdan yazma urtaqlaştı.

“Şanlı bayrağıbızğa suzılğan qullarnı niçek sındıruıbıznı, diñgezgä niçek tügüebezne bu rasaçı başlar bik yaxşı belä. Awrupanıñ bozıq, ıruğçı balaları üz urınnarın belsen. Awrupa islamofobiyä häm rasaçılıqqa monnan bolay “tuqta” diyärgä tiyeş. Bayrağıbız här cirdä danlıqlı räweştä cilferdäwen däwam itäçäk. Awrupa parlamentınıñ bu klounğa qarata kiräklesen êşläwen kötäbez,”-dide törek ministr.    

Rasaçı grek deputat İoannis Lagos Bel’giyä başqalası Brüssel’dä oyıştırılğan Awrupa parlamentı ğomum şurasında “Grek utrawlarında gumanitar wäzğıyät’” dip ataluçı utırışta Törkiyä bayrağın yırttı. Ul grek xalqınıñ migrantlar tarafınnan höcümgä duçar buluın alğa sörä.

“Ber yaqta Törkiyä bar, telägänen êşli. İlebezgä ağım-ağım qaçaq kilä. Menä bu Törkiyä bayrağı, monıñ belän närsä êşläner? Yırtıp atılır. Monnan bolay moña çik quyarğa kiräk,”-dip söyli Greśiyä wäkile.