“Kapan-3 Kavaklı operaŝiyase” başladı
Operaŝiya Hakkarida 825 jandarmeriya, poliŝiya hӓm iminlek saqçısı qatnaşında başlandı
Törkiyӓneň êçke êşlӓr ministrlığı tarafınnan Hakkarida 825 jandarmeriya, poliŝiya hӓm iminlek saqçısı qatnaşında “Kapan-3 Kavaklı operaŝiyase” başlatıldı.
Ministrlıktan yasalğan yazma açıqlawğa kürӓ operaŝiyada Jandarmeriya citӓkçelege, Jandarmeriya maxsus xӓrӓkӓte, Poliŝiya maxsus xӓrӓkӓte hӓm İminlek saqçısı törkemnӓrennӓn toruçı 825 personal qatnaşa.
Separatist PKK terror oyışmasın ğamӓl başqara almaslık xӓlgӓ kitergӓn “Kıran” operaŝiyalӓreneň dӓwamı bulğan bu operaŝiya belӓn terrorçılarnıň tӓêsirsez xӓlgӓ kiterelüe, sıyınu urınnarı arasındağı kiçü yullarınıň yabıluı maqsat itep quyıla.
Operaŝiya qısalarında separatist terror oyışması ӓğzalӓreneň waqıtlıça sıyınu urını bularaq qullanuı bilgelӓngӓn 4 urında 1 kalaşnikov mıltığı, 17 şartlatqıç cihazı, 3 granata, 2 generator, şaqtıy kirӓk-yaraq hӓm azıq-tölek qulğa töşerelde.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde