Törkiyägä taba zur törkem kilä
Süriyädän yaña möhacir dulqını kötelä
1333981
Törkiyä êçke êşlär ministrı Söläyman Soylu Süriyäneñ İdlib töbägendäge bäreleşlärdän qaçıp çik buyına küp sanda keşeneñ xäräkät itüen belderde.
“Andağı bäreleşlär arqasında, ayıruça, kön’yaqtan çiklärebezgä taba grajdanlı keşelärneñ kilüe turında süz bara. Yaqınça 250 meñ keşelek ağım belän oçraşaçaqbız. Monıñ bulasın başta uq farazladıq häm küzätep torabız. Bu xäräkätne qayda qarşı alu häm nindi gumanitar çaralar kürü belän bäyle ber törkem plannar xäzerlädek,”-dide ministr. Ul İdlib häm kön’yaq çiklärneñ başqa urınnarında xäzerlekle buluların assızıqladı.
