Çit il terrorçıların - watannarına
Törkiyä Süriyädä qulğa alınğan terrorçılarnı üz illärenä cibärüne däwam itä
Törkiyä êçke êşlär minşistrlığı noyabr’ ayınnan birle Süriyädä qulğa töşkän çit il watandaşı 110 terrorçını illärenä cibärde. Deportaśiyäläw êşe däwam itä.
Älege qısalarda, Germaniyägä - 21, Franśiyägä - 13, Angliyägä - 5, Bel’giyä, Niderland, Marokko, Kosovoğa 2şär, Daniyä, AQŞ, Greśiyä, İrlandiyä, Avstraliyägä berär DEAŞlı qaytıp kitte.
Deportaśiyä üzäklärendä watannarına cibärelergä tiyeşle 849 çit il terrorçısı qaldı. Alarnı da yaqın könnärdä yulçılıq kötä.
Süriyädä êläkterelgän terrorçılarnıñ çığışın açıqlaw êşçänlege tögällände. Centekle soraştırular axırına yaqınlaştı häm mönäsäbätle däwlätlär belän êlemtägä kerelde. Törkiyä êçke êşlär ministrı Söläyman Soylu qayber illär terrorçılarnı qabul itergä telämägäç bolay dip beldergän ide: “Närsä genä bulsa da, DEAŞ äğ’zaların üz illärenä cibäräçäkbez. Bez berkemneñ dä DEAŞ qunaqxanäse tügel”.
