Ärdoğan belän Tramp oçraştı

Ärdoğan biregä kilgän çaqta Donal’d Tramp tarafınnan räsmi tantana belän qarşılandı.

Oçraşu aldınnan ike lider matbuğat wäkillärenä qısqa belderü yasadı.

Ärdoğan täfsille belderüne üzara küreşep söyläşkännän soñ oyıştırılaçaq matbuğat oçraşuında yasayaçağın belderde.

İlbaşı Ärdoğan belän ozaq waqıttan birle dus bulularına basım yasawçı Tramp: "Törkiyä-Süriyä çigendä başqarğan êş öçen” Ärdoğanğa räxmät äytte.

Tramp Törkiyäneñ soñğı waqıtta Süriyädä 100dän kübräk “DEAŞ” terrorçısın totqarlawın xäterlätte.

"Törkiyä belän säwdä külämen üsteräçäkbez”, - dip äytüçe AQŞ liderı Törkiyäneñ Rusiyädän alğan hawa saqlanu sistemaları S-400 belän F-35 xärbi oçqıçı proyektı mäs’äläsendä dä fikerlär belän almaşaçaqların belderde.

İke lider 1 säğätlek üzara söyläşüdän soñ wäkilleklär arasındağı cıyılışlarğa räislek itä.