"Bağdadinıñ xatını häm barlıq ğailä äğ’zaları qulğa alındı"

Terrorçı oyışma DEAŞnıñ üterelgän atamanı Bağdadinıñ xatını häm barlıq ğailä äğ’zaları qulğa alındı. Bu xaqta Törkiyä ilbaşı idaräseneñ cämäğat’çelek belän êlemtä bülege başlığı Fäxretdin Altun citkerde. Ul üzeneñ Twitter bitendä älege xäbärne ingliz telendä yazdı. Anda mondıy yullar bar: “Törkiyä DEAŞ atamanı Bağdadinıñ xatının da kertep barlıq ğailä äğ’zaların qulğa aldı. Terrorçı oyışmanı êzärlekläwdä nıqlığıbızdan şöbhälänüçelärneñ Törkiyäneñ DEAŞ, PKK, YPG yäisä başqa terrorçı oyışmalarnıñ äğ’zaların êläkterüdäge uñışlar isemlegenä tağın ber qat küz töşerüe kiräk”.