İlbaşı idaräsenän AQŞqa “Terror xisabı” reakśiyası (реакциясы)

İlbaşı Räcäp Tayyip Ärdoğan citäkçelegendä ütkärelgän İlbaşı idaräse kabinet cıyılışınnan soñ Amerika Quşma Ştatları däwlät departamentınıñ “2018 terror xisabı”na qağılışlı yazma belderü yasaldı.

Belderüdä şuşı xisapta “PKK” separatist terror oyışmasınıñ Süriyädäge törkeme “YPG/PYD” häm “Fätullahçı” terror oyışması “FETÖ”nıñ telgä alınmawnıñ ike standartlı totışnıñ iñ küzgä taşlanıp torğan ürnäklärennän berse” buluı assızıqlandı.

Terrorçılıqqa qarşı köräş säbäbe belän dönyanıñ dürt ber yağında êşçänlek alıp baruçı Amerika Quşma Ştatlarınıñ şuşı xisaptan soñ terrorçılıq mäs’äläsendä berkemgä dä äytäçäk süzeneñ qalmawına basım yasalğan belderüdä: “Terror oyışmaları belän bergä buluçılarnıñ yazmışınıñ axır çiktä şuşı ağulı yılannıñ üzlären çağuı bulaçağın tağın ber qat xäterlätergä telibez”, - dip äytelde.

Törkiyäneñ 1984nçe yıldan birle tuqtawsız räweştä separatist terrorçılıq belän köräş alıp baruçı, moñarçı da “ASALA” belän bergä törle terror oyışmalarınıñ global’ külämdä höcümnärenä duçar bulğan il buluına iğ’tibar yünältelgän belderüdä: “Dön’yada, Törkiyä qadär terror höcümnärenä duçar bulğan häm terror oyışmaları belän aktiv köräş alıp barıp uñışqa ireşkän bik äz il bar. Törkiyäneñ “PKK” häm “DEAŞ” belän bulğanı kebek “PYD” häm “FETÖ” belän bergä başqa terror oyışmaları belän qatğilıq belän köräş alıp baruın däwam itteräçäge” assızıqlandı.