Ärdoğan: “Törkiyä böten problemalarnı xäl itä alaçaq köçkä iyä”
İlbaşı Räcäp Tayyip Ärdoğan millät häm däwlät bularaq tarixi köräşneň êçendä buluların belderep: "Bäysezlek köräşebezneň oxşaşın üzgä ısullar belän alıp barabız”, - dip äytte
Ärdoğan 29nçı üktäbr’ Cömhüriyät bäyrämeneň 96 yıllığı mönäsäbäte belän yasağan yullamasında Gazi Mostafa Kemal Atatörek belän bergä ber ğasırlıq şanlı uzğanlıqqa iyä Bäysezlek suğışınıň ciňügä ireşüendä häm yaňa däwlätneň tözelüendä wazıyfanı üz östenä alğan qaharmannarnı ixtiram belän iskä aldı.
Millät häm däwlät bularaq bar buluıbıznı häm kiläçägebezne saqlaw maqsatınnan çığıp soňğı yıllarda şulay uq tarixi köräş alıp baruların assızıqlawçı Ärdoğan, milli berdämlekne bozuğa yünälgän härtörle uyınnıň buluına, çik buyı iminlegennän iq’tisadqa häm möstäqillekkä qadär küp yaqlı höcümnärneň tuqtawsız däwam itüenä iğ’tibarnı yünältep, Törkiyneň qadim tarixi uzğanlığı, nigezle däwlät täcribäse häm ber ğasırğa yaqın Cömhüriyät berekmäse belän böten problemalarnı xäl itä alaçaq köçkä, mömkinlekkä, täwäkkällekkä iyä buluına basım yasadı.
