Törkiyä “Solıx çişmäse” belän bäyle nigezsez däğ’walarnı kire qaqtı

 Törkiyä Xalıqara yarlıqaw oyışması xisabında urın alğan “Solıx çişmäse” belän bäyle nigezsez däğ’walarnı tulısınça kire qağuın belderde.

Tışqı êşlär ministrlığınıñ bu xaqtağı belderüendä  tübändäge yullar urın aldı: “Bu nigezsez däğ’walarnı Süriyä belän bäyle häm milli iminlegebezgä yanawçı terror qurqınıçına qarşı köräşebezgä qarata başlatılğan qaraltu kampaniyasınıñ ber öleşe itep küräbez”.

Belderüdä “Solıx çişmäse” xäräkäteneñ Törkiyäneñ iminlege häm Süriyäneñ cir bötenlegenä yanawçı “PYD/YPG” terror oyışmasına qarşı köräş operaśiyäse buluına basım yasaldı.

Xäräkättä barı tik “PYD”/YPG” nıñ qoral nığıtmaları, sıyınu urınnarı ,qoral häm texnikası maqsat itep alınuı , tınıç xalıqnıñ zıyan kürmäwe öçen tiyeşle çaralar kürelüe assızıqlandı.

Belderüdä tübändägelär dä citkerelde:”Xäräkätkä yaqlaw kürsätüçe Süriyä milli armiyäse üze säbäp buluı alğa sörelgän tınıç xalıq yuğaltuların tikşerü öçen komissiya qordı. “PYD/YPG”nıñ Awrupa Berlege häm NATO tarafınnan terror oyışması itep qabul itelgän “PKK” belän bäyläneşe häm başqarğan cinayät’läre küp tapqırlar dokumentlar belän isbatlandı. Xalıqara yarlıqaw oyışmasın üzen dä kertep, bäysez xalıqara oyışmalar tarafınan başqarılğan bu êşçänleklärne qabat tikşerergä çaqırabız”.