“Solıx çişmäse” xäräkätendä kiregä adım yasalmayaçaq”

Törkiyä ilbaşı Räcäp Tayyip Ärdoğan “Terrorğa qarşı köräş häm regional’ bäyläneşne nığıtu” isemlı cıyılışta yasağan çığışında “Solıx çişmäse” xäräkätenä dä tuqtaldı.

 Ul Süriyäneñ tön’yağında Färat yılğasınıñ könçığışında PKK/PYD-YPG häm DEAŞ separatist terror oyışmalarına qarşı däwam itüçe “Solıx çişmäse” xäräkätendä kiregä adım yasalmayaçağın belderde.

Üz çığışında Törkiyäneñ 35 yıl terrorğa qarşı köräşüen assızıqlağan ilbaşı Ärdoğan tübändägelärne citkerde:” Törkiyä isemnäre törle bulsa da ,maqsatları ilebezneñ berdämlege , iminlege bulğan terror oyışmalarınıñ höcüme  astında. Bu oyışmalarnıñ artında Törkiyä belän qara qarşı isäpläşergä qurıqqan köçlär buldı , alar bügen dä bar. Çik ar’yağında öyrätelgän ,qorallandırılğan terrorçılar här forsatta watandaşlarıbızğa, däwlätebezneñ bötenlegenä qurqınıç tudıruçı qanlı ğamällär başqara”.

Problemanı urınında çişü maqsatı belän “Solıx çişmäse” xäräkäten başlatuların beldergän Ärdoğan: “Bu säbäple çik ar’yağında terror oyışmaların üzläre bulğan cirdä yuqqa çığaru strategiyäse äzerlädek. Törkiyä kürşe çiktäş häm başqa illärneñ üz cirlärendäge möstäqil’lek xoquqlarına häm çik buylarına xörmät kürsatä. Ämma monda ber şart bar. Ul da biredän ilebezgä qarata doşmannarça êşçänleklär, ğamällär başqarmaw”,-dide.

Ärdoğan:” Bez kördlär belän tügel, terror oyışmaları belän köräşäbez. PYD, YPG, DEAŞ –barısı da terror oyışmaları. Bu xaqta qulıbızda böten dokumentlar bar”,-dip belderde.

Törkiyä ilbaşı:” Bezgä xäzerge waqıtta törle yaqlap yanawlar yawdıralar. Monı tuqtatığız dilär. Amerika Quşma Ştatları ilbaşı Trampqa da ,başqalarına da äyttem, “Monı tuqtatığız” didem. Ämma sez tuqtatmadığız. Bez xäzer üz êşebezne üzebez küräbez. Monnan soñ kiregä adım yasamıybız”,-dide.