Xäräkätneñ 3nçe köne qayğılı xäbär belän başlandı

Törek qorallı köçläre tarafınnan Süriyädä Färat yılğasınıñ könçığışında alıp barıluçı “Solıx çişmäse” xäräkäteneñ öçençe könenä kergändä şähit xäbäre kilde.

Milli saqlanu ministrlığınnan yasalğan belderüdä äytelgänçä, separatist terrorçı oyışması PKK/PYD äğ’zası terrorçılar belän bäreleşkä kergän ber xärbi hälaq buldı.

Belderüdä, monnan tış, “Solıx çişmäse” xäräkäteneñ tön buyı hawadan häm cirdän unışlı däwam itelüe, täêsirsez xälgä kiterelgän terrorçı sanınıñ 277 buluı äytelä.

Xäräkät qısalarında Tel-Abyad häm Rasulayndağı 11 awıl terrorçılardan çistartıldı.

Şul uq waqıtta, YPG/PKK terrorçı oyışmalarınıñ Tel-Abyad rayonındağı yäşerengän urınnarında barğan xäräkättä Süriyä milli armiyäseneñ 4 suğışçısı ülde, 3se yaralandı.