Tağın ber qayğılı xäbär

“Solıx çişmäse” xäräkätennän tağın ber qayğılı xäbär kilde. Süriyäneñ êlegräk Färat qalqanı xäräkäte belän bäysezläşterelgän Xäleb şähäreneñ Azäz rayonı tirälärendä 2 xärbi şähit buldı. Töbäktäge Törkiyä qorallı köçläre bazasına PKK/PYD separatist terrorçı oyışması kontrolendäge Tel Rıfattan minomyet utı açtılar. Yädrälär töşkän urında bulğan 6 xärbi yaralandı. Alarnı aşığıç yärdäm maşinaları belän Kilistäge xastaxanägä kiterdelär. Barlıq tırışlıqlarğa qaramastan, 2 xärbi ülde.

“Solıx çişmäse” xäräkäte waqıtında şähit töşüçelär sanı 3 buldı. Täêsirsez xälgä kiterelgän terrorçılar sanı isä 342gä citte. Xäräkät qısalarında, Tel Abyad häm Rasulayndağı 13 awıl terrorçılardan çistartıldı.

YPG/PKK terrorçı oyışması basıp aluı astındağı cirleklärdän Törkiyä yağına -  Şanlıurfanıñ Suruç rayonındağı toraq punktlarğa yasdalğan minomyet höcümendä 2 keşeneñ ğomere özelde.  

Milli saqlanu ministrı Xulusi Akar komandalıq belän 3nçe kön däwam itüçe xäräkät turında ministrlıqta söyläşte. “Başlağan çarabıznı, inşallah, yözebezgä qızıqllıq kitermiçä tämamlarbız,”-dide ul.  

Akar Törkiyäneñ DEAŞqa qarşı yaqınnan torıp köräşüçe berdänber NATO häm koaliśiyä däwläte buluına iğ’tibarnı cälep itte. “Kaharman törek qorallı köçläre “Färat qalqanı” xäräkäte waqıtında 3 meñnän artıq DEAŞlı terrorçını täêsirsez xälgä kiterde. Barı tik ilebez häm millätebezneñ iminlege genä tügel, ber ük waqıtta cirlektä yäşäwçe kördlär, ğaräplär, assiriyälelär, xristiannar, êzidilär häm xaldeylar şikelle dini häm êtnik törkemnärneñ dä iminlegenä zur ähämiyät biräbez,”-dide ministr.