Stoltenberg belän Ärdoğan oçraştı

Törkiyä ilbaşı Räcäp Tayyip Ärdoğan NATO ğomum särqatibe Yens Stoltenbergnı qabul itte. Oçraşu İstanbulda ilbaşı idaräseneñ Dolmabaxçe ofisında uzdı.

Ul jurnalistlar öçen yabıq işeklär artında 1 säğat’ däwam itte.

Oçraşunıñ töp teması - Törkiyäneñ kön’yaq çigendä tözelep kilüçe terrorçılıq koridorın yuq itü, regionğa tınıçlıq häm xozur kiterü maqsatı belän Süriyäneñ tön’yağında alıp barıluçı “Solıx çişmäse” xäräkäte ide.

Ärdoğan älege operaśiyäneñ maqsatın añlattı, nişanda barı tik terrorçılar buluın söyläde.

Oçraşuda tışqı êşlär ministrı Mäwlet Çavuşoğlu, milli saqlanu ministrı Xulusi Akar häm NATO parlament assambleyasınıñ törek delegaśiyäse räise Osman Aşkın Bak ta qatnaştı.

Stoltenberg milli saqlanu ministrı Akar belän dä ayırım oçraşu uzdırdı.