"Terrorçılıq batqaqlığın kipteräçäkbez"

Törkiyä ilbaşı kiñäşçese Fuat Oktay “Solıx çişmäse” xäräkäteneñ planlaştırılğan räweştä baruın belderde. Ul Twitter xisabınnan törek häm ingliz tellärendä älege çara turında açıqlawlar yasadı.

“Berdänber maqsatı çiklärebezneñ iminlegen häm süriyälelärneñ öylärenä üz ixtiyarları belän kire qaytuların täêmin itü öçen oyıştırılğan operaśiyädä ğaskärlärebez terrorçılar belän köräşen uñışlı alıp barğanda berençe urınğa tınıç xalıqnıñ zarar kürmäwen quya,”-di Oktay.

Ul, şulay uq, Törkiyäneñ xalıqara xoquqqa bäyle xaqları häm BMO kileşüendä urın alğan “üz-üzeñne yaqlawğa xoquqı” qısalarında xäräkät itüen assızıqladı. Oktay: “İlneñ çiklärenä yanawçı häm barlıq dön’ya öçen qurqınıç tudıruçı terrorçılıq batqaqlığın kipteräçäkbez,”-digän süzlär qullana. İlbaşı kiñäşçese xalıqara cämäğat’çelekneñ dä terrorçılıq oyışmaları belän köräş mäs’äläsendä qararlılıq kürsätüen kötülären dä äytep uzdı.