Peskov Törkiyäneñ operaśiyäse turında belderü yasadı

Rusiyä Kremle süzçese Dmitriy Peskov Törkiyäneñ Süriyä tön’yağına xäzerlänüçe operaśiyäse turında: “Törkiyäneñ üz iminlegen täêmin itü öçen oyıştıruçı çaraların beläbez häm qabul itäbez,”-dide. Ul jurnalistlarnıñ bu mäs’älä xaqındağı sorawlarına cawap birde. Peskov Törkiyäneñ Süriyädäge cir häm säyäsi bötenlekkä yanamawın assızıqladı. Süzçe älege operaśiyäne üz iminlege öçen oyıştıruın Rusiyäneñ belüen xäterlätte. “Süriyä cirlärenä qaçqan terrorçılarğa qarşılıq birü turında süz bara,”-dide ul.

AQŞ däwlät başlığı Donal’d Trampnıñ Törkiyä operaśiyäsendä qatnaşmayaçaqları turındağı belderüe Amerikanıñ regionnan çığuı turında söylime? Bu sorawğa Peskov tögäl genä cawap birä almadı.

Rusiyä däwlät başlığıVladimir Putin häm Törkiyä ilbaşı Räcäp Tayyip Ärdoğan yaqın könnärdä Süriyäneñ tön’yağına planlaştırılğan xärbi operaśiyä xaqında söyläşmägän. Peskov ike il arasında xärbi häm küzläw mäs’äläsendä söyläşülärneñ yış buluın häm tärtiple räweştä alıp barıluın söyli.