Ärdoğan belän Tramp oçraşırğa teli

Törkiyä ilbaşı Räcäp Tayyip Ärdoğan belän AQŞ däwlät başlığı Donal’d Tramp telefon aşa Süriyä krizisı xaqında söyläşte.  

Cämäğat’çelek belän êlemtä idaräsennän yasalğan belderügä qarağanda, äñgämädä ikeyaqlı mönäsäbätlär, Süriyädä Färat yılğasınıñ könçığışında tözelergä planlaştırılğan imin töbäk turında fiker alıştılar.

İlbaşı Ärdoğan Süriyädä terrorçı oyışma PKK/PYD häm DEAŞqa qarşı köräşne däwam itüdä qararlı bulğan Törkiyäneñ regionda tağın ber tapqır mondıy problema kilep çıqmasın öçen çaralar küräçägen äytte. Ul AQŞ xärbi häm iminlek tarmağındağı türälärneñ ike il arasında täêmin itelgän kileşüne cirenä citkermäwläre öçen qanäğat’sezlegen dä belderde.  

İke lider kiläse ayda Vaşingtonda oçraşu ütkärergä qarar qıldı.

Telefon äñgämäse turında Aq Yorttan yasalğan belderüdä isä: “Törkiyä tizdän Süriyäneñ tön’yağına küptän planlaştırılğan operaśiyä öçen xäräkätkä küçäçäk. AQŞ qorallı köçläre bu operaśiyägä yärdäm itmäyäçäk yäisä anda qatnaşmayaçaq”,-diyelde.