“Törkiyä tağın da kübräk sıyınuçı qabul itä almıy”
İlbaşı urınbasarı Fuat Oktay Törkiyäneñ Süriyäneñ İdlib yaqlarınnan qaçaqlar ağımı bulğan oçraqta tağın da kübräk sıyınuçını qabul itä alaçaq wazğiyättä bulmawın äytte.
İtaliyanıñ tön’yağındağı Cernobbio qalasında oyıştırılğan 45nçe Ambrosetti Forumında qatnaşqan Oktay “Bloomberg” televideniyäsendä könüzäk mäs’älälärne bäyäläde.
Oktay: "Süriyädän yaña küçenü dulqını aldında torabızmı?” – digän sorawğa: “Qızğanıç, äytte. Läkin Törkiyä bularaq bu töbäktä tınıçlıqnıñ urnaştırıluı öçen citdi tırışlıq sarıf itäbez”, - dip cawap birde.
Oktay Awrupanıñ üz problemalarına tağın da kübräk yünälüen häm qaçaqlar problemasın onıtuın belderep: "Awrupa öçen töp problema – töbäktäge üz çit il suğışçıları”, - dip äytte.
İdlibkä höcümnärneñ däwam itüen añlatuçı Oktay biredä rejimnıñ xastaxanälärne, mäktäplärne häm tınıç xalıqnı bombalawın assızıqladı.
Oktay, Törkiyäneñ 3 million 700 meñ sıyınuçığa işeklären açuın xäterlätep: "Awrupa şunı añlarğa tiyeş: Törkiyä İdlib tarafınnan ağım bulğan oçraqta tağın da kübräk sıyınuçını qabul itä alırlıq wazğiyättä tügel. Awrupa şuşı risk belän qara-qarşı oçraşırğa tiyeş. Törkiyä şuşı yökne üze genä kütärä almas”, - dip fikeren belderde.
Törkiyäneñ terrornı din, geografiya yäki êtnik üzençälegenä qarap ayırmawına basım yasawçı Oktay Süriyä tınıç xalqınıñ terrorçılıq bäyäsen tülämäwe zarurlığına basım yasadı.
