Xulusi Akar oçuçılarnı sälamläde

Törkiyä milli saqlanu ministrı Xulusi Akar oçuçılarnı yaña belem alu yılı açılu belän qotladı. Tantana xärbi bazada ütte.   

Ministr çarada qatnaşuçılarnı sälamlägännän soñ üz qul astındağılarğa möräcäğat’ itte. Ul Süriyäneñ tön’yağında terrorçılarnıñ koridor oyıştıruına röxsät birmäyäçäklären tağın ber tapqır assızıqladı.

Xulusi Akar AQŞ belän bergä êşlänüçe imin töbäk proyektın da telgä aldı. “Bezgä birgän süzlären tormışqa aşıruların küzätep baraçaqbız. Berär nindi xilaflıq bulsa, süzlären cirenä citkermäsälär, monıñ belän bäyle Törkiyä qorallı köçläre, Törkiyä cömhüriyäteneñ B planı da, C planı da bar. Alarnı da ğamälgä aşırırğa bez äzer. Kiräk bulsa, möxtäräm ilbaşı äytkän şikelle, bez üz kendegebezne üzebez kisä alaçaq xäldä,”-dide ministr.

Akar, monnan tış, terrorçılıq belän köräş operaśyäläre xaqında da mäğ’lümat birde. “Ğıyraqnıñ tön’yağında, Süriyäneñ tön’yağında çaralarıbız bara. Ğıyraqta Pänçä-1,Pänçä-2, Pänçä-3 xäräkätläre däwam itä. Bügengä qadär Ğıyraqnıñ tön’yağında ütkärelgän operaśiyälär näticäsendä tulayım 700 tiräse terrorçı täêsirsez xälgä kiterelde,”-dide ul.

Tantanadan soñ ministr Xulusi Akar reaktiv öyränü oçqıçında Êgey diñgeze östennän oçtı.