”Färatnıñ könçığışında terror oyaların çistartu mäs’äläsendä nıqlı adımnar belän alğa barabız”

Törkiyä ilbaşı Räcäp Tayyip Ärdoğan Konyada yasağan çığışında terrorğa qarşı köräş mäs’äläsenä tuqtaldı.

Ul Törkiyäneñ süriyälelärgä üz işeklären açıp böten dönyağa märxämät häm keşelek sabağı birüen ,Törkiyä “Färat qalqanı” häm “Zäytün botağı” xäräkätlären başqarmağan bulsa kön’yaq çik buyında terror koridorı barlıqqa kilüne totqarlawnıñ awır bulaçağı turında äytüen citkerde.

Ärdoğan süzlären tübändägeçä däwam itterde: “Bez Färatnıñ könçığışında terror oyaların çistartu mäs’äläsendä nıqlı adımnar belän alğa barabız. Süriyädä bu adımnarnı yasağanda başqa ber çiktäş kürşebez Ğıyraqta “Pänçä” xäräkäte belän terrorçılarğa köçle höcümnär yasala. “PKK” terror oyışmasınnan qaçıp täslim buluçılar sanı da arta bara. İminlek köçlärebez çik buyında täwlek buyı operaśiya, qorallı häm qoralsız hawa apparatları da daimi räweştä wazıyfa başqara”.