Rusiyä oçqıçları Törkiyägä kitärme?

Rusiyä Törkiyäneñ 5nçe näsel xärbi oçqıçı TF-Xnı çığaruğa yärdäm itärgä xäzer. Bu xaqta Rusiyä federal’ xärbi häm texnik xezmättäşlek dairäse citäkçese Dmitriy Şugayev belderde.  Ul başqala Mäskäwdä MAKS-2019 xalıqara aviaśiyä häm ğaläm kürgäzmäse qısalarında ike il arasında saqlanu sänäğatendäge xezmättäşlek mäs’älälärenä tuqtaldı.

Yaña milli oçqıç yasawda teräk bulaçaqların belderep ul bolay dide: “Törkiyäne oçqıç motorları häm êlektron xärbi cihazlar belän täêmin itä alabız”.

Şugayev Törkiyäneñ TF-X 5nçe näsel xärbi oçqıçı proyektın da çittä qaldırmadı. “Bu mäs’äläne saqlanu sänäğatendäge xezmättäşlek noqtasında söyläşergä bez äzer. Monnan tış, illärebezneñ liderları da saqlanu sänäğatendäge berdäm êşçänleklärne arttıru teläklären belderde,”-dide ul.

Rusiyä häm Törkiyä arasında Su-35 häm Su-57lärne tapşıruğa bäyle söyläşülär bara. Şugayev bu xaqta da äytep uzdı. “Änkara bu oçqıçlarğa zur qızıqsınu kürsätte. Ämma kileşü turında söyläşergä äle irtä, räsmi möräcäğat’ kilmäde. Törek wazıyfadaşım saqlanu sänäğate citäkçese İsmail Dämir belän bu turıda söyläşäçäkbez,”-dide ul.