Qalın Lavrent’yevnı qabul itte
Qabul itü İlbaşı rezidenśiyasendӓ kiçä uzdı
Törkiyӓ İlbaşı idarӓse süzçese İbrahim Qalın Rusiyӓ Federaśiyaseneñ Süriyӓ maxsus wӓkile Aleksandr Lavrent’yevnı qabul itte.
İlbaşı rezidenśiyasendӓ kiçӓ uzğan qabul itüdӓ Süriyӓ mӓs’ӓlӓsendӓge soñğı tӓraqqıyӓt’lӓr qaraldı.
Törkiyӓneñ milli iminlek östenleklӓre assızıqlanğan qabul itüdӓ İdlib kileşüeneñ saqlanuı, Töp qanun komissiyaseneñ qorıluı hӓm iğlanı, Süriyӓdӓ terrorçılıq belӓn körӓş, imin töbӓk, DEAŞ, PKK/YPG/PYD belӓn ber rӓttӓn barlıq terror oyışmalarına qarşı körӓş, Süriyӓneñ cir bötenlege qısalarında sӓyӓsi çişeleşkӓ ireşü hӓm Süriyӓneñ qabat tözeklӓnderelüenӓ qarağan mӓs’ӓlӓlӓr kön tӓrtibenӓ kilde.
Ozaqlamıy oyıştırılaçaq Süriyӓ temalı öç yaqlı oçraşu hӓm annan soñ Rusiyӓ, Törkiyӓ, Franśiya, Germaniya qatnaşında uzaçaq 4 yaqlı oçraşunıñ kön tӓrtibe hӓm könnӓre dӓ söylӓşelde.
Qabul itüdӓ Törkiyӓneñ iminlek mӓs’ӓlӓsendӓge borçularınıñ beterelӓçӓge hӓm töbӓkneñ barlıq terror oyışmalarınnan çistartılaçağı belderelde.
