"AQŞnı yalğış adımnar yasawdan tayçınırğa çaqırabız"
Törkiyä belän AQŞ S-400lär mäs'äläsendä kileşä almıy
Törkiyä AQŞnı ikeyaqlı mönäsäbätlärgä zarar biräçäk adımnardan yıraq torırğa çaqırdı. Tışqı êşlär ministrlığı süzçese Xami Aksoy Amerika däwlät departamentı süzçese Morgan Ortagusnıñ S-400 hawa saqlanu sistemasın alu turındağı süzlärenä yazmaça cawap birde. Ul Ortagusnıñ süzläreneñ ilbaşı Räcäp Tayyip Ärdoğan belän AQŞ däwlät başlığı Trampnıñ uzğan ayda Yaponiyädä G20 sammitı waqıtında uzğan oçraşularınıñ êçtälege häm ruxına turı kilmäwen belderde.
Aksoy: “Törkiyäne S-400ne alırğa êtärgän säbäplär kürenep tora,”-dide. Ul Trampnıñ da G20 sammitında monı raslawın häm Törkiyägä ğadel mönäsäbät kürsätelmäwen açıqtan-açıq äytüen xäterlätte.
Aksoy bolay däwam itte: “Bez prośessnıñ başınnan birle açıq idek. AQŞnıñ S-400 sistemasınıñ F-35 sistemalarına zarar birä aluı mäs’äläsendäge borçuların beterü öçen NATO da keräçäk texnik êşçe törkem tözergä täq’dim ittek, ämma ul äle xaman cawapsız qaldı. AQŞ tarafın, diplomatiyä häm dialognı sanğa suqmıyça, mönäsäbätlärgä zarar birüçe yalğış adımnar yasawdan tayçınırğa çaqırabız”.
Ortagus kiçäge belderüendä, ministrlıq bularaq, Törkiyäneñ S-400 sistemaların satıp aluı häm bulaçaq sankśiyälär mäs’äläsendäge poziśiyälärendä üzgäreş bulmawın äytte.
