G20 başlandı

Yaponiyäneñ Osaka şähärendä 2 kön däwam itäçäk G20 sammitı xökümät räise Şinzo Abenıñ qunaq liderlarnı qarşı aluı häm bergäläp fotoğa töşüläre belän başlandı.

Törkiyä ilbaşı Räcäp Tayyip Ärdoğan fotoda AQŞ däwlät başlığı Donal’d Tramp belän yänäşä ide. Töşär aldınnan alarnıñ ber-bersenä dustanä işarätlär yasawı kürende.

Törkiyä ilbaşı idaräse êlemtä bülege başlığı Fäxrettin Altunnıñ Twitterdan urtaqlaşqan räsemnärendä Ärdoğannıñ Rusiyä däwlät başlığı Vladimir Putin häm Franśiyä ilbaşı Êmmanuêl’ Makron belän söyläşep toruı kürenä.

Törkiyä liderı soñraq başqalar belän bergä “Śifrlı iq’tisad” dip ataluçı östämä çarada qatnaştı. Şunnan soñ êşlekle töşke aşqa kittelär. Annan alda kameralarğa Ärdoğan belän Putinnıñ söyläşep toru mizgelläre êläkte.  

İlbaşı Ärdoğan sammit êşçänlege belän bergä ikeyaqlı oçraşularnı da başladı. Başta ul Bötendön’ya bankı citäkçese Dêvid Mallpasnı qabul itte. Söyläşü yartı säğat’ bardı.