“Franśiyanıñ “YPG” belän yaqın xezmättäşlegen döres dip tapmıybız”

Törkiyä tışqı êşlär ministrı Mävlüt Çavuşoğlu räsmi säfär belän Törkiyägä kilgän Franśiya tışqı êşlär ministrı  Jan İv Le Drian belän küreşep söyläşte.

Üzara häm wäkilleklär ara söyläşülärdän ike il tışqı êşlär ministrları urtaq matbuğat oçraşuı ütkärde.

Çavuşoğlu matbuğat oçraşuında tübändägelärne citkerde: “Franśiya belän Süriyä mäs’äläsendä ber äyberdän tış fikerlärebez tulısınça turı kilä. Franśiyanıñ “PKK” dan bernindi ayırması bulmağan “YPG” belän yaqın xezmättäşlegen döres dip tapmıybız. Bu xezmättäşlek Franśiyağa kileşmi. Süriyäneñ kiläçäge, çik buyı häm cir bötenlege öçen dä qurqınıç. Bezneñ çik buyuı iminlegebez  ilebez häm xalqıbız iminlege öçen dä möhim mäs’älä”.

Çavuşoğlu Süriyä İdlibtä utnı tuqtatu däğ’wasına da tuqtalıp , rejimnıñ säyäsi çişeleşkä tügel, xärbi çişeleşkä ışanuın häm soñğı waqıtta İdlibkä höcümnären arttıruın belderde.

Ul “İdlibtä xäzerge waqıtta çın mäğ’näsendä utnı tuqtatu täêmin itelde dip äytü mömkin tügel”dide.

 Mävlüt Çavuşoğlu bu höcümnärneñ tuqtawı öçen Rusiya häm İrannıñ garant illär bularaq rejimğa basım yasawları kiräklegen citkerde.

Franśiya tışqı êşlär ministrı da İdlib mäs’äläse belän bäyle  borçıluların citkerep “Bez İdlib mäs’äläsendä Törkiyäne xuplıybız. Utnı tuqtatunı ğamälgä aşıru kiräk. Çönki wäzğiyät’ bik qurqınıç”dide.