Ğıraq belän Törkiyä arasındağı viza sisteması
Çavuşoğlu êşlär rätkä kergännän soñ vizalarnıñ betereläçägen belderde
1191567
Tışqı êşlär ministrı Mäwlet Çavuşoğlu Törkiyä belän Ğıyraq arasında viza sistemasınıñ betü mömkinlegen xäbär itte. Räsmi zat Ğıyraqta Basra gubernatorı Äsad äl-İdani belän oçraşqannan soñ jurnalistlarnıñ sorawlarına cawap birde. Ul Törkiyäneñ iminlek maqsatlarınnan ğıyraqlılar öçen qabat viza sistemasın kertüen söyläde.
“Viza sisteması mäñgelek tügel. Waqıtı citkäç, anı qardäşlärebez öçen qabat betererbez,”-dide ul.
Ministr viza kertkängä qadär Ğıyraqtan Törkiyägä kilüçelärneñ sanı 1 millionnan artıq buluın, 2018nçe yıldan soñ da älege kürsätkeçneñ üzgärmäwen belderde. Çavuşoğlu äytüençä, Basrada konsullıq açqannan soñ ğıyraqlılarnıñ viza alu öçen Bagdadqa baruı kiräk bulmayaçaq.
