Tramp Törkiyä ministrın yanına çaqırdı

Törkiyäneñ qazna häm finans ministrı Bärat Albayraq Aq Yortta AQŞ ilbaşı Donal’d Tramp belän oçraştı.

Bärat Albayraq bu waqıyğa turında Twitter xisabında yazdı. “AQŞ qazna ministrı Stiv Mnuçin häm baş kiñäşçe Djared Kuşner belän xezmättäşlekne arttıru adımnarı turında cıyılış ütkärgändä AQŞ ilbaşı Donal’d Tramp bezne qabul itte. Aña ilbaşıbıznıñ sälamen citkerdem,”-dide ul.  

Bärat Albayraq Vaşingtonda Törkiyä-AQŞ êşlekle şurası belän Amerika-törek şurası tarafınnan oyıştırıluçı 37nçe urtaq yıllıq konferenśiyädäge çığışı aldınnan jurnalistlar belän oçraştı. Anda ul AQŞ ilbaşı belän oçraşuın “ğayät’ uñay, pozitiv, konstruktiv” dip bäyäläde.

Oçraşuda Rusiyädän S-400lärne alu, ike il arasındağı säwdä äyläneşeneñ 75 milliard dollarğa citüe, regional’ mäs’älälär qaralğan.

Albayraq fikerençä, tizdän ilbaşı Ärdoğan belän Tramp arasında oçraşu bulırğa mömkin.