Çavuşoğlu Amerikadağı möselmannar belän küreşte

Törkiyӓneñ tışqı êşlӓr ministrı Mӓwlüt Çavuşoğlu Amerika Quşma Ştatlarınıñ Mayami şӓhӓrendӓ törek hӓm amerikan möselman cӓmğiyӓte aldınğı isemnӓre belӓn küreşep söylӓşte.

Çavuşoğlu N’yu-York hӓm Vaşingtontağı söylӓşülӓrennӓn soñ Florida ştatınıñ Mayami şӓhӓrendӓ Mayami Gardens cӓmiğına bardı.

Comğa namazı aldınnan töbӓktӓ yӓşӓwçe törek hӓm Amerikan möselman cӓmğiyӓteneñ aldınğı isemnӓre belӓn mӓçettӓ oçraşqan törek ministrı monda qısqa çığış yasadı.

Çavuşoğlu: “Amerikan möselman cӓmğiyӓte wӓkillӓre belӓn Mayamidağı oçraşuıbızda barlıq möselmannar oçraşqan sınawlarnı söylӓştek. Amerikan möselmannarınıñ başqarğannarı bar dönyağa ilham birӓ. İslamofobiya belӓn körӓştӓge rollӓreneñ tiñsez hӓm möhim buluın assızıqladıq,” – dide.

Mӓwlüt Çavuşoğlu NATO qorılışınıñ 70 yıllığı uñayınnan 3-4 aprel’ könnӓrendӓ Vaşingtonda oyıştırılğan NATO tışqı êşlӓr ministrları cıyılışında qatnaşqan ide.