Lavrov Antaliyägä kilä
Ul Törkiyädäge wazıyfadaşı belän oçraşaçaq
1170895
Rusiyä tışqı êşlär ministrı Sergey Lavrov Törkiyädäge wazıyfadaşı Mäwlet Çavuşoğlu belän oçraşu öçen 28nçe-29nçı martta Antaliyägä kiläçäk. Çara 12nçe martqa bilgelängän ide. Ämma ike ministrnıñ da bik mäşğul’ buluı arqasında ul küçerelde.
Rusiyä tışqı êşlär ministrlığı süzçese Mariya Zaxarova bu yulı oçraşunıñ tormışqa aşaçağın ışandırdı.
Lavrov belän Çavuşoğlu Antaliyädä Rusiyä-Törkiyä strategik planlaştıru törkeme cıyılışında citäkçelek itäçäk.
Çavuşoğlu beldergänçä, 28nçe marttağı oçraşudan soñ 8nçe aprel’dä ilbaşı Räcäp Tayyip Ärdoğan belän Rusiyägä säfär yasayaçaqlar. Anda ike ilneñ yuğarı däräcäle xezmättäşlek şurası cıyılışı ütäçäk.
