Törkiyä Boing 737neñ oçışların tuqtattı
Qurqınıçsızlıq täêmin itelgängä qadär alarğa yulçılar menmäyäçäk
1162213
Törkiyädä Boing 737 MAKS belän bäyle çaralar kürelä başladı. Transport häm infrastruktura ministrlığı älege oçqıçlarnıñ säfärlären qurqınıçsızlıq täêmin itelgängä qadär tuqtatu qararı çığardı. Bu xaqtağı belderüdä äytelgänçä, ministrlıq 5 ay êçendä Boing 737 MAKS qatnaşındağı ike hälakätneñ mömkin bulğan säbäplären küzdän kiçergännän soñ bu adımğa bara.
Mäs’älä belän bäyle belderü Törek hawa yullarınnan da yasaldı. Şirkätneñ matbuğat belän êlemtälär bülege açıqlaw kertep, oçış iminlege häm yulçılar qurqınıçsızlığınıñ härwaqıt alğı planda totıluın assızıqladı.
“Törek hawa yulları flotındağı 12 danä Boing 737 MAKS tibındağı yulçı oçqıçlarınıñ operaśiyälären 13nçe marttan başlap ikençe qarar çıqqanğa qadär tuqtattı,”-diyelä belderüdä.
