Borın tözätüdä Törkiyä berençe

Törkiyä borın xirurgiyäse tarmağında dön’yanın iñ alğa kitkän däwläte. Bu xaqta Awrupa borın xirurgiyäse cämğıyäte räise professor Nazim Çärkäş belderde. Ul üze dä êstetik plastik xirurgiyäse belgeçe. Çärkäş İstanbulda uzğan Xalıqara rinoplastika konferenśiyäsendä çığış yasadı. Ul Törkiyäneñ yıl sayın dön’yanıñ borın xirurgiyäse belgeçlären bergä cıyıp, täcribä almaşuğa öleş kertüen assızıqladı. “Törkiyäneñ çaqıruı buyınça çit ildän 10 plastik xirurgnı monda kiterdek. Alar operaśiyä ütkärä häm anı konferenśiyädä qatnaşuçı tabiblar zalda qarap tora. Monnan tış, qayber operaśiyälärneñ barışın internet aşa böten dön’yağa turıdan-turı kürsätäbez,”-dide Nazim Çärkäş. Anıñ äytüençä, qatnaşuçılarnıñ 90%ı çit ildän. Şuna kürä konferenśiyä Törkiyäneñ rinoplastikada niqadär alğa kitüen kürsätü nisbätennän dä ähämiyätle. Çit il tabibları törek belgeçlärennän qayber texnik alımnarnı öyränergä teli.