Törkiyä Qabuldağı terror höcümen ğayepläde
Tışqı êşlär ministrlığı:"Äfganstan xökümäte häm xalqınıñ qayğısın urtaqlaşabız"
1159606
Törkiyä Äfganstan başqalası Qabuldağı terror höcümen ğayepläde.
Tışqı êşlär ministrlığınıñ bu xaqtağı belderüendä tübändäge yullar urın aldı:”Yuğarı däräcäle räsmi zatlar da qatnaşqan iskä alu çarası waqıtında oyıştırılğan höcümne ğayeplibez. Höcümdä ğomere özelgän keşelärgä Allahtan yarlıqaw sorıybız. Äfganstan xökümäte häm xalqınıñ qayğısın urtaqlaşabız. Yaralanğan keşelärgä şifalar telibez”.
Älege höcümdä 3 keşeneñ ğomere özelde.
Terror höcüme başqarılğan iskä alu çarasında Äfganstan başqarma şurası başlığı Abdullah Abdullah, êlekke ilbaşı Hamid Karzai, ilbaşı namzäte Hanif Atmar häm tışqı êşlär ministrı Sälahuddin Rabbani da bula.
