Çad ilbaşı Änkarada

Änkarağa räsmi säfär belän Çad liderı İdris Debi Itno kilde. Ul Törkiyä ilbaşı Räcäp Tayyip Ärdoğan belän küzgä-küz söyläşte häm delegaśiyälär arasında oçraşu uzdırdı. Soñınnan urtaq matbuğat cıyılışı oyıştırıldı.

İdris Debi İtno, anda çığış yasap, qayber keşelär belän, terrorçı buluların belmiça, kileşü tözülären häm monı Törkiyä yärdämendä açıqlawların belderde. “Urtaq köräş belän här ike yaqnıñ da terrorçılıq tamırın qazıp çığara alacağın uylıym. Bu mäs’älä zamananıñ häm ğasırnıñ çuması,”-dide ul.  

İtno ike yaqnıñ da xezmättäşlekne üsterü mäs’äläsendä kürsätkän urtaq tırışlığınnan qanäğat’ buluın belderde. Ul Törkiyägä ministrlar häm şäxsi êşmäkärlär belän kilüenä iğ’tibarnı cälep itte. Anıñ fikerençä, oçraşular bik uñışlı ütkän. Çad ilbaşı saqlanu, awıl xucalığı, sänäğat’ tarmaqlarındağı xezmättäşlekne köçäytülären assızıqladı.