Mӓclesneñ yaña başlığı - Mustafa Şӓntop
Mӓcles başlığı saylawı öçen Ğomüm şurada yӓşeren tawışqa quyu uzdı
Törkiyӓ Böyek Millӓt Mӓcleseneñ yaña başlığı Ğadӓlӓt hӓm qalqınu partiyaseneñ Tekirdağ xalıq ışanıçlısı Mustafa Şӓntop buldı.
Mӓcles başlığı saylawı öçen Ğomüm şurada yӓşeren tawışqa quyu uzdı.
Berençe ike turda kirӓkle 400 tawış cıyılmadı.
Öçençe turda Millӓtçe Xӓrӓkӓt partiyase xuplawı belӓn Ak partiya iseme Mustafa Şӓntop 336 tawış belӓn Mӓclesneñ 29nçı başlığı bulıp saylandı.
Öçençe tur tawışqa quyuda 542 xalıq ışanıçlısı qatnaştı.
Şӓntopnı berençe itep İstanbul şӓhӓr xaqimiyӓte başlığı namzӓte Binali Yıldırım qotladı.
Mustafa Şӓntop üz çığışında ğadellek hӓm tarafsızlıqqa basım yasadı hӓm: “Nӓticӓsez bӓxӓslӓr belӓn ber-berebezne aptıratmıyq,” – dide.
Êlekke Mӓcles başlığı Binali Yıldırım wazifasınnan üz telӓge belӓn kitep, İstanbul şӓhӓr xaqimiyӓte başlığı öçen namzӓt bulğan ide.
