Törkiyä ilçelegenä höcüm itüçelär xökem itelde
Törkiyäneñ Kopengagen ilçelegenä höcüm itüçelärne Daniyädän qualar
Daniyadä Törkiyäneñ Kopengagen ilçelegenä uzğan yılnıñ mart ayında höcüm bulğan ide. Binağa molotov kokteyl’läre attılar. Älege ğamälne başqarğan 4 keşene ildän quu qararı çığarıldı. Alar Süriyä çığışlı PKK/PYD terrorçı oyışması tarafdarları.
Däğ’wanı Kopengagen şähär mäxkämäse qaradı. Sud’ya Êlizabet Larsen 19-24 yäş’lär arasındağı 4 ğayepledän 3seneñ 1 yıl 9ar ay, berseneñ isä 1 yıl 6ay törmä cäzasına xökem itelüen belderde. Östäwenä, alarnı Daniyädän quu qararı da çığarıldı. Ğayeplelärgä, törmädän çıqqannan soñ, 12 yıl ilgä kerü tıyıla.
Ğayeplelär Törkiyäneñ Kopengagen ilçelegenä höcüm itü öçen yannarında 7 danä molotov kokteyle kitergän. Şartlatqıçlarnıñ ikese binanıñ täräzäsenä bik yaqın cirgä atılğan. Monı höcümçelärneñ ilçelekne yandırırğa omtıluına dälil bularaq kürsättelär.
