AQŞ-Törkiyä mönäsäbätläre
Ärdoğan ike aradağı mönäsäbätlärgä bäyä birde
İlbaşı Räcäp Tayyip Ärdoğan Törkiyäneñ kördlär belän berwaqıtta da probleması bulmawın belderde. “PKK/PYD terrorçı oyışmasın cirle xalıq belän berdäy kürü körd qardäşlärebezgä yasalırğa mömkin iñ zur mısqıllaw,”-dide ul. Bu xaqta Ärdoğan AQŞ säwdä palatası häm Törkiyä-Amerika şurası äğ’zaların qabul itkändä söyläde. Ul ike däwlät arasındağı mönäsäbätlärneñ barlıq qıyınlıqlar, sınawlar, qarşılıq testların uñışlı ütüen assızıqladı.
“Törkiyä belän AQŞ arasında urtaq mänfäğat’lärgä tayanuçı, köçle, külämle häm strategik berlektäş mönäsäbätläre bar. Qaywaqıt ul poziśiyä törlelekläre belän bäyle räweştä üzgärep alsa da, urtaqlığıbız bik küp awırlıqnı ciñügä ireşte,”-dip belderde ilbaşı.
Ärdoğan Törkiyäneñ Süriyädä Amerika quätläre kitäçäk mäydannarda terrorçılıq belän köräşneñ cawaplılığın üz östenä alırğa äzer buluına basım yasadı. Ul töbäkkä häm dön’yağa yanawçı barlıq terrorçı oyışmalar belän köräştä qararlı buluın belderde.
“DEAŞ terrorçı oyışmasın qulı qanlı başqa oyışma belän almaştırırğa mataşuçı êlekkege Amerika idaräse balansındağı qayber kisemnär başınnan birle ilebez turında qara propaganda alıp bara. PKK/PYD terrorçı oyışmasın cirle xalıq belän berdäy kürü körd qardäşlärebezgä qarata iñ zur mısqıllawdır. Xäzerge waqıtta DEAŞ höcümnäre, PKK/PYD zolımınnan qaçuçı kördlär barı tik Törkiyägä sıyına,”-dip söyläde Ärdoğan.
Ul AQŞnıñ Süriyädä PKK/PYDgä qoral belän yärdäm itüen tänqıyt’läde. “Alarnı Amerika äle xaman terrorçı oyışma bularaq qabul itmäde. Bezneñ problemabız şul,”-dide ilbaşı.
Ärdoğan Süriyädäge imin töbäklärdä möhacirlär öçen konteyner şähärlär qorırğa da çaqırdı.
