Ğıyraqta törek bazasına höcüm

Kiçä Ğıyraqnıñ tön’yağında PKK terrorçıları Törkiyä qorallı köçläreneñ baza cirlegenä höcüm itkännän soñ ğadi xalıq arasında yäşerende. Törkiyä ilbaşı idaräse êlemtä bülege başlığı Fäxrettin Altun beldergänçä, şöbhälelär, şul räweşle, törek xärbiläre belän cirle xalıq arasın bozarğa mataşa. Ul bu xaqta “Bloomberg” xäbär agentlığına söyläde. Altun äytkänçä, Duxok şähärenä yaqın urında bulğan höcümdä ülüçelär yuq, ämma qayber kiräk-yaraqlar zarar kürde. Ul Törkiyä Qorallı köçläreneñ baza tiräsendä ğadi keşelärneñ tormışına qurqınıç yanamasın öçen kiräkle çaralarnı kürelüen belderde.

“PKKlı terrorçılarnıñ sośial’ media häm başqa çığanaqlar aşa kiçäge höcüm xaqında yalğan mäğ’lümat taratuın açıqladıq. Barlıq matbuğat çaraların oyışmanıñ bu ğamäle uñayınnan diqqat’le bulırğa çaqırabız häm PKKlı terrorçılarnıñ êlek tä oxşaş taktikalar qullanuın xäterlätäbez,”-dide ul.

Mäğ’lümatlarğa qarağanda, Ğıyraq tön’yağında urnaşqan törek xärbiläreneñ Suri baza cirlegenä höcüm ğadi keşelär şikelle kiyengän PKKlı terrorçılar tarafınnan taş atu belän başlandı, annarı ul köçen arttırdı. Waqıyğada texnika häm kiräk-yaraqlarğa zıyan kilä, ämma xezmätkärlär zarar kürmi.