Kerç' buğazında ülgän törek watandaşları

Törkiyä tışqı êşlär ministrlığı Kerç’ buğazında ike köymägä ut qabuı näticäsendä ğomere özelgän törek watandaşlarına Allahtan yarlıqay, yaqınnarına sabırlıq teläde, alarnıñ qayğıların urtaqlştı.

Qayğınamädä äytelgänçä, 21nçe ğıynvarda “Maêstro” häm “Kandi” dip ataluçı Tanzaniyä bayraqlı ike köymädä çıqqan yanğında êkipajdağı keşelär hälaq buldı. Aralarında Törkiyä watandaşları da bar. İke köymäneñ êkipajlarındağı tulayım 16 törek diñgezçeneñ 8e qotqarıldı, 4se hälaq buldı. “Yuğalğan 4 watandaşıbıznı êzläw-qotqaru êşläre däwam itä,”-diyelä belderüdä.

Hälaq bulğan töreklärneñ mäyetlären tiz arada tuğan cirlärenä alıp qaytu öçen êşçänlek alıp barıla.

Kerç’ buğazındağı hälaqkättä barlığı 14 keşeneñ ğomere özelde, 12sen qotqardılar.