“Törkiyä çik buylarındağı terror oyışmalarınıñ tamırın qorıtaçaq”
Bu xaqta Törkiyä ilbaşı idaräseneñ êlemtä başlığı professor doktor Fahrettin Altun belderde
Törkiyä ilbaşı idaräseneñ êlemtä başlığı professor doktor Fahrettin Altun Törkiyäneñ çik buylarındağı terror oyışmalarınıñ tamırın qorıtaçağın belderde.
Fahrettin Altun twitter aşa “PKK/YPG” ,”DEAŞ” separatist terror oyışması häm “Fätullahçı terror oyışması”nıñ soñğı berniçä yılda Törkiyädä oyıştırğan höcümnären çağıldıruçı video urtaqlaştı.
Älege videoda Törkiyäneñ terrorğa qarşı köräşenä, bu köräştäge qatğıylığına häm xaqlı buluına basım yasala.
Videoda Törkiyäneñ soñğı 3 yılda 100 dän kübräk ütergeç terror höcümenä duçar buluı assızıqlana.
Anda terror oyışmalarınıñ Törkiyädä tormışqa aşırğan höcümnäreneñ xronologiyäse ,bu höcümnärdä ülgän häm yaralanğan keşe sanı xaqında da mäğ’lümat birelä.
Altun terror oyışmalarınıñ 2015 nçe yıldan birle 2 meñnän kübräk keşene şähit itüen , bu terror höcümnäreneñ kübeseneñ Süriyäneñ tön’yağında planlaştırıluına iğ’tibarnı cälep itä.
Törkiyä ilbaşı idaräseneñ êlemtä başlığı professor doktor Fahrettin Altun:”Älege höcümnär xalqıbızğa zur zıyan kiterde. Bez terrorğa qarşı köräştän kiregä adım yasamıybız. Çik buylarındağı terror oyışmaları betkänçe köräş däwam itäçäk, alarnıñ tamırın qorıtaçaqbız”,-dide.
