Törkiyädän Rusiyägä delegaśiyä
Şimbä könne yuğarı zatlardan toruçı törkem yulğa çığaçaq
Törkiyädän yuğarı däräcäle zatlar törkeme şimbä könne Rusiyägä yünäläçäk. Delegaśiyädä tışqı êşlär ministrı Mäwlet Çavuşoğlu, milli saqlanu ministrı Xulusi Akar, milli küzläw oyışması citäkçese Xakan Fidan, ilbaşı idaräse süzçese İbrahim Kalın häm Ak partiyä süzçese Ömär Çälik bar. Älege säfärneñ Süriyä mäs’äläse buyınça söyläşülär ütkärü öçen oyıştırıluı belderelä.
“Bu oçraşularnıñ näticäse bularaq telefon aşa şaltıratışu da bulırğa mömkin. İlbaşıbız belän Putinnı oçraştıru öçen programma planlaştırılaçaq,”-dide Ömär Çälik. Ul İrän häm Rusiyä belän tığız diplomatiyäneñ däwam itäçägen assızıqladı. Astana prośessı urtaqları häm Jeneva prośessında qatnaşuçılar belän dä söyläşülär kötelä.
Çälik, monnan tış, kiläse çorda, AQŞnıñ Süriyädän çığuınnan soñ, Törkiyäneñ tormışqa aşırılaçaq terrorçılıq belän köräş perspektivasın da berlektäşläre belän urtaqlaşaçağın belderde.
Bäyläneşle xäbärlär
Ärdoğan: "Netan'yaxu cawap biräçäk"
Törkiyä ilbaşı Ğazzädä qan qoyuçı İzrailgä tağın ber qat reakśiyä belderde
Bratislava-İstanbul reysları başlandı
Slovakiya başqalasınnan berençe tapqır İstanbulğa oçqıç säfäre başlandı