Xulusi Akarnıñ Paqıstandağı oçraşuları

Paqıstan xökümäte räise İmran Xan Törkiyä ireşkän sośial’-iq’tisadi üseşkä xäyran buluların söyläde. Räsmi zatnı Milli saqlanu ministrı Xulusi Akar zıyarät itte.

Paqıstan matbuğatında urın alğan xäbärlärgä qarağanda, oçraşuda ike ilneñ mönäsäbätlärenä bäyä birelde. Xan Törkiyä belän mönäsäbätlärgä zur ähämiyät birülären assızıqladı. Ul, şulay uq, Paqıstan xalqınıñ ilbaşı Räcäp Tayyip Ärdoğannı bik nıq xörmät itüen dä äytte.  

Akar isä, üz çiratında, İmran Xannı xökümät räise wazıyfasına kereşüe belän täbrik itte häm ilbaşı Ärdoğannıñ qotlawların da ireşterde. Ministr paqıstanlı lidernıñ Törkiyägä kilüen kötülären dä äytte. Anıñ fikerençä, Xannıñ zıyaräte ike il arasındağı mönäsäbätlärne tizlätäçäk. Akar, monnan tış, Paqıstannıñ terrorçılıq belän köräştäge totışın da maqtadı.  

Törkiyä ministrı soñınnan ilbaşı Arif Alvi belän oçraştı.