Ruhani: “Törkiyäneñ bezneñ öçen xosusıy ähämiyäte bar”

Ruhanine hawa mäydanında Ênergetika häm tabiği (tabiğıy) çığanaqlar ministrı Fatih Dönmäz häm başqa räsmi zatlar qarşı aldı.

Törkiyä-İran yuğarı däräcäle xezmättäşlek şurasınıñ bişençe cıyılışı İlbaşı Räcäp Tayyip Ärdoğan häm Ruhani räislegendä 20nçe dekabr’ atnakiçen başqala Änkarada uzdırıla.

Ruhanineñ säfäre waqıtında bäyläneşle ministrlarnıñ qatnaşuında oyıştırılaçaq şura cıyılışında Törkiyä häm İran arasındağı mönäsäbätlär böten yaqları belän qaralaçaq.

Cıyılışta ike yaqlı mönäsäbätlär belän bergä regional’ häm xalıqara täräqqiyätlär (täräqqıyätlär) xaqında fiker almaşular da bulaçaq.

Hasan Ruhani, Änkarağa kitär aldınnan Tähran Mährabad hawa mäydanında jurnalistlarğa belderü yasap, Törkiyä-İran mönäsäbätlärenä qağılışlı bäyäläwlär yasadı.

"Törkiyäneñ kürşe, dus häm töbäkneñ täêsirle ile bularaq bezneñ öçen xosusıy ähämiyäte bar”, - dip äytüçe Ruhani: "Törkiyä belän bik küp tarixi, mädäni häm dini urtaq yağıbız bar. Törkiyäneñ häm turıdan-turı İlbaşı Räcäp Tayyip Ärdoğannıñ soñğı aylarda Amerika Quşma Ştatlarınıñ sankśiya tozaqlarına qarşı İran mäs’äläsendä kürsätkän totışı bik yaxşı häm töğäyen ber totış”, - dip belderde.