Färatnıñ könçığışına xäräkät

İlbaşı Räcäp Tayyip Ärdoğan Süriyädä Färat yılğasınıñ könçığışındağı töbäklärgä tınıçlıq häm iminlek kiterü öçen qararlı buluların söyläde.  Ul bu xaqta İstanbulda Dolmabahçä Sarayında oyıştırılğan İslam xezmättäşlege oyışması konferenśiyäsendäge çığışında telgä aldı.

“Tel Rıfattan Afrindağı xärbilärebezgä qarşı mäkerle höcüm - birgän qararıbıznıñ niqadär döres buluın kürsätte,”-dide ilbaşı.

Ärdoğan Amerika Quşma Ştatlarına Münbiç kisätüe yasadı. “Münbiçne çistartmasağız, anda da keräçäkbez,”-dip belderde. İlbaşı fikerençä, amerikalılar Münbiç xikäyäse söyläp iğ’tibarnı taratırğa, qararlılıqnı bozarğa tırışa. “Süriyädä yasağan adımnarıbız belän barı tik üz ilebezneñ iminlegen täêmin itep qalmıybız, ömmätneñ häm barlıq keşelek dön’yasınıñ kürkämlelegen saqlıybız,”-dide Ärdoğan.

İlbaşı Törkiyäneñ Färat yılğasınıñ könçığışındağı terrorçılıq batqaqlığı mäs’äläsendä bik küp waqıt yuğaltuın, monnan soñ ber könlek kiçegügä dä tüzemlege qalmawın äytte.