Saqlanu sänäğate sammitı

İlbaşı Räcäp Tayyip Ärdoğan Törkiyäneñ saqlanu sänäğatendäge barlıq strategik ixtiyaclarına üze cawap birä alaçaq xälgä kiläçägen söyläde.

Ul Änkaradağı Bäştäpä Millät kongress häm mädäniyät üzägendä oyıştırılğan Törek saqlanu sänäğate sammitında çığış yasadı. “Sonğı 16 yıldağı sikereşlär näticäsendä ilebez bik üzençälekle häm aldınğı noqtağa kilde,”-dide ilbaşı.

Ärdoğan üz çığışında saqlanu sänäğateneñ ähämiyätlelegenä basım yasadı. “Saqlanu sänäğatendä bilgele ber däräcägä citä almasağız, barı tik qazılma baylıqlar yäisä säwdägä tayanğan aqça bäysezlegegezne garantiyälämäs,”-dide ul.

İlbaşı Törkiyäneñ saqlanu sänäğatendäge êşçänlegenä dä bäyä birde. “Älegä qadär êşlägännärebezne cılınu, iyäläşü, künekmä xäräkätläre bularaq küräbez. İnşallah, monnan soñ yögerüne tağın da zur köç birep däwam itärbez. Saqlanu sänäğatendä proyekt bäyäse 60 milliard dollar bulğan 650 sızımnı küzätep barabız. Atak boralağın tağın da köçle xälgä kiteräçäkbez. Milli xärbi oçqıçıbıznı yasaw yulında tuqtawsız tırışlıq quyabız,”-dip söyläde ul.  

Ärdoğan Törkiyäneñ keşele häm keşesez hawa apparatları çığarunı tormışqa aşıruın, bolarnıñ tağın da aldınğısın yasayaçağın belderep uzdı. Altay tankı turında da süz çıqtı. Anı yaña texnologiyälär yärdämendä zamançalaştıralar.

“Barlıq tarmaqlarğa bik aşığıç bulmağan ber êşlänmäne dä, materialnı da çit ildän kertmäw kürsätmäsen tağın ber qat biräm,”-dide Ärdoğan. Ul Törkiyäneñ saqlanu sänäğatendäge barlıq strategik ixtiyacların üze qarşılıy ala torğan xälgä kilgänçe tuqtamayaçağın belderde.

“Kasırga, Bora, Som şikelle raketalarıbız küpläp çığaru êtabına kilde, şul uq waqıtta tağın da yaña model’lär belän bäyle êşçänleklärebez däwam itä. Bu mäydanda ähämiyätle ber adımnı yıraqqa atuçı raketalar belän yasıybız. Sınaw atışları tögällängän bu proyekt Törkiyäne tağın da yuğarı däräcägä ireşterä,”-dip söyläde ilbaşı.