Ärdoğan 40 ölkäneñ xakimiyät başlığına kandidatların atadı
Zur 3 şähärneñ kandidatları älegä yuq
1094306
Törkiyä ilbaşı Räcäp Tayyip Ärdoğan İstanbulda oyıştırılğan AK partiyä cıyılışında 40 ölkäneñ bulaçaq xakimiyät başlığı kandidatların atadı. Barı tik Änkara, İstanbul häm İzmirneke açıqlanmadı. Ärdoğan kiläse ayda kandidatlarnıñ barısınıñ da iğ’lan iteläçägen belderde. Şunnan soñ saylaw aldı manifestın da xalıqqa täq’dim itäçäklär.
Ärdoğan 3 zur şähärdä namzät çığarmıyça AK partiyä kandidatlarına teläktäşlek kürsätüe öçen Milliätçe xäräkät partiyäse räise Däwlät Bahçäligä räxmäten belderde.
Cirle saylawlar 2019nçı yılnıñ 31nçe martında ütäçäk.