Ärdoğan täxet varisı prinś Sälman belän küreşergä mömkin

Törkiyä ilbaşı idaräse süzçese İbrahim Qalın Änkarada Yıldırım Beyazıt universitetında uzğan ”Törkiyä – Rusiya mönäsäbätläre:kiläçäkne şäkelländerü” isemle forumnan soñ jurnalistlarnıñ sorawlarına cawap birde.

Jurnalistlarnıñ  Argentinada uzaçaq G-20 sammitında Soğud Ğaräbstanınıñ täxet varisı prinś Möxämmäd bin Sälmannıñ da qatnaşaçağın xäterlätep, “Ul ilbaşı Ärdoğan belän küreşergä mömkinme ?”digän sorawına Qalın monıñ mömkin buluın äytte.  

Mediada Oskar bülägenä iyä bulğan rejissyer Oliver Stounnıñ Törkiyä ilbaşı Räcäp Tayyip Ärdoğan xaqında dokumental’ fil’m töşeräçäge turında xäbärlär urın aluı turındağı sorawğa İbrahim Qalın: ”Bezgä mondıy fiker citkerelde ,bu xaqta  uylıybız. Stounnıñ êlegräk Putin xaqında fil’me bar ide. Tağın berniçä dokumental’ fil’men beläm”,-dide.