İzmirdä qaçaqlar utırğan köymä battı

İzmirneñ Dikili rayonında qaçaqlarnı utırtqan köymä battı. Bu xaqta xäbär kilügä êzläw-qotqaru êşläre başlandı.

 Waqıyğa balıq fermaları tiräsendä bula. İrtän säğat’ 6 tulıp 20 minutta yözep yarğa çıqqan 2 qaçaq köymäläreneñ batuın häm 10 keşeneñ yuğaluın söyli. Şunnan soñ ul urınğa Yar buyı iminlege komandalığı törkemnäre cibärelä. Alar 1 boralaq häm 3 köymä yärdämendä êzläw-qotqaru êşlären başlıy.

Kırıklarelidä isä qanunsız yullar belän çikne uzarğa mataşuçı Ğıyraq, İran, Äfğanstan häm Paqıstan çığışlı 73, Muğlanıñ Bodrum rayonında Süriyä, Fälästin häm Somalidan kilüçe 21 qaçaqnı êläkterdelär.  

Barısın da migraśiyä idarälärenä tapşırdılar.