Çavuşoğlu Yaponiyada Törkiyäneñ tışqı säyäsäten añlattı
Tışqı êşlär ministrı Mäwlüt Çavuşoğlu Törkiyäneñ xalıqara problemalarnıñ çişeleşenä regional’ iniśiativalar häm global’ wazıyfaları belän öleş kertüen belderde
Çavuşoğlu Yaponiya başqalası Tokioda “Törkiyä tışqı säyäsäte häm Yaqın Könçığıştağı könüzäk täräqqiyätlär” isemle seminarda çığış yasadı.
Törkiyäneñ Yaqın Könçığıştağı problemalarğa kileşü yaqı çişeleş öçen tığız tırışlıq sarıf itüen äytüçe Çavuşoğlu töbäktä Amerika Quşma Ştatlarınıñ üz başına ğına qararlar qıluınıñ häm İzrailneñ höcümçelegeneñ, agressivlığınıñ däwam itüe – wazğiyätne tağın da butalçıq, qatlawlı xälgä kiterüen añlattı.
Süriyädä krizisqa daimi çişeleş öçen Törkiyäneñ mäydanda yasağan adımnarı belän ber rättän töp qanun komissiyası öçen başqa aktyorlar belän bergä êşläwen dä äytep uzuçı Tışqı êşlär ministrı mäs’äläneñ humanitar yağına da iğ’tibarnı yünältte.
Törkiyäneñ qaçaqlarğa yärdäm itüen däwam itüen belderüçe Çavuşoğlu Süriyäle qaçaqlar öçen Törkiyäneñ 33 milliard dollar sarıf itüen assızıqladı.
Mäwlüt Çavuşoğlu Törkiyäneñ humanitar yärdämnär belän dönyada berençe urında toruın da belderde.
