İstanbulda 4le sammit

Törkiyä, Germaniyä, Franśiyä häm Rusiyä qatnaşındağı sammit bügen İstanbulda ütä. Anda Süriyä mäs’äläsen urtağa salıp söyläşälär.  Cıyılışnı ilbaşı Räcäp Tayyip Ärdoğan citäkli. Anda, şulay uq, Rusiyä däwlät başlığı Vladimir Putin, Franśiyä ilbaşı Êmmanuêl’ Makron häm Germaniyä kanślerı Angela Merkel’ qatnaşa. Monnan tış, sanap ütelgän illärneñ qayber ministrları häm kiñäşçeläre dä sammitta urın ala. Cıyılışnı bik küp däwlätlärneñ mäğ’lümat çaraları wäkilläre küzätep bara.   

Sammitnıñ töp teması - Törkiyä belän Rusiyäneñ 17nçe sentyabr’dä tözegän İdlibtä utnı tuqtatu kileşüen nığıtu häm Süriyä krizisına säyäsi çişeleş tabu öçen urtaq tırışlıq.  

BMOnın Süriyä maxsus wäkile Staffan de Mistura häm Astana platformasınıñ Jenevada oyıştırılğan “keçkenä törkem”e wäkilläre bu sammitta täwge tapqır oçraşa.

Cıyılış axırında 4 ilneñ urtaq belderü qabul itüe kötelä.