Ärdoğan – dönyanıñ iñ abruylı möselman liderı

Törkiyä ilbaşı Räcäp Tayyip Ärdoğan dönyanıñ iñ abruylı möselman citäkçese itep saylandı.

Yordaniya patşalığı qarşındağı İslam strategik êşçänleklär üzägeneñ yıllıq tikşerenü kitabında Törkiyä ilbaşı xaqında tübändäge yullar urın aldı:”Ul citäklägän däwerdä Törkiyä tiñe bulmağan iq’tisadi üseş, konstituśion reformağa ireşep zur global’ köçkä äwerelde”. 

Möselman liderlarnıñ möselman illär arasındağı yoğıntısın bilgeläw maqsatı belän çığarılğan häm  bıyıl unınçısı dönya kürgän kitapta Törkiyäneñ Greśiya berençe çiratta bulu belän bergä çiktäş illär belän mönäsäbätläre yaqtırtıldı.

Kitapta urın alğan liderlar isemlegendä Ärdoğannan soñ ikençe urında Soğud Ğaräbstanı patşası Sälman bin Abdulaziz ,öçençe urında isä Yordaniya patşası Abdullah 2 nçe tora.

Ärdoğan kitapnıñ 2016 häm 2017 nçe yılğı basmalarında 8 nçe häm 5 nçe urında urnaşqan ide.

Älege kitap 2009 nçı yıldan birle yıllıq bularaq äzerlänä.