Ärdoğan Tramp belän telefonnan söyläşte

Törkiyä ilbaşı Räcäp Tayyip Ärdoğan Amerika Quşma Ştatları ilbaşı Donal’d Tramp belän telefonnan söyläşte.

İlbaşı idaräseneñ matbuğat üzäge beldergänçä, söyläşüdä ike yaqlı mönäsäbätlär, terrorğa qarşı köräş, Soğud Ğaräbstanı jurnalistı Cämal Qaşıqçı mäs’äläse häm Süriyädäge soñğı täräqqiyät’lär turında süz bardı.

İke lider Törkiyädä küpmeder waqıt saq astında qalğannan soñ uzğan könnärdä irekkä cibarelgän amerikalı ruxani Êndryu Branson belän bäyle yuridik barış ,Törkiyä häm AQŞ arasında xezmättäşlekne här tarmaqta cayğa salu häm üsterü, “Fätullahçı terror oyışması”n (FETÖ) da kertep terrorğa qarşı köräştä xezmättäşlek mäs’älälären qaradı.

Ärdoğan häm Putin 17 nçe sentyabr’dä Törkiyä belän Rusiya arasında tözelgän İdlib kileşüeneñ ähämiyätenä basım yasadı.

Alar Cämal Qaşıqçı waqıyğasın törle yaqlap tikşerü mäs’äläsendä dä kileşte.